Хатлар

Юксынам да хатларыңны укыйм: ‎Кыска гына сәлам-хәбәрләр. ‎Алар миңа сөю җыры кебек, ‎Изге дога кебек кадерле. ‎ ‎Сөю хисе белән сугарылган ‎Хатларыңны укыйм кабаттан. ‎Сагынуга дәва булыр дисәм, ‎Сагышларым гына яңартам... ‎ ‎Бу хатлардан җылы наз бөркелә, ‎Күпноктада күпме сер ята! ‎Һәрбер сүзен,һәрбер шигырь юлын ‎Әйтеп бирә алам мин яттан. ‎ ‎Сөю хисе белән сугарылган ‎Хатларыңны укыйм кабаттан. ‎Сагынуга дәва булыр дисәм, ‎Сагышларым гына яңартам... ‎ ‎Таң кошлары белән килгәннәре, ‎Ай нурында туганнары бар. ‎Төн йокысын качырып, таң атуга ‎Шигырь-бүләк булганнары бар. ‎ ‎Сөю хисе белән сугарылган ‎Хатларыңны укыйм кабаттан. ‎Сагынуга дәва булыр дисәм, ‎Сагышларым гына яңартам... ‎ ‎Йөрәк авазы иде хат сүзләре, ‎Өзелгәннәр иде бәгырьдән. ‎Ялган-алдау булган дигән уйны ‎Күңел кабул итми хәзер дә. ‎ ‎Сөю хисе белән сугарылган ‎Хатларыңны укыйм кабаттан. ‎Сагынуга дәва булыр дисәм, ‎Сагышларым гына яңартам... ‎