Синле

‎Тормышымның күз ачмаслык буранында ‎Шыпырт кына синең хакта хыялланам. ‎Синең өчен ачык китап минем күңел: ‎Үтәкүренмәле, гүя, пыяладан. ‎ ‎Синдәй мине белгән кеше юк дөньяда, ‎Әйтерсең лә, тоташ җанның ике тәне. ‎Күптән инде көрәшмим мин хисләр белән. ‎Күптән инде беләм синле яшәү тәмен. ‎ ‎Синле булган һәр дөньяның таныйм ямен. ‎Вакыт-вакыт караңгылык япкан чакта ‎Фәкать синең яктың белән коткарылам, ‎Хыялланып шыпырт кына безнең хакта. ‎Синдәй мине белгән кеше юк дөньяда, ‎Әйтерсең лә, тоташ җанның ике тәне. ‎Күптән инде көрәшмим мин хисләр белән. ‎Күптән инде беләм синле яшәү тәмен.