Куңелем

Күңелемнән кутыр купкан. Сизгерләнде нечкәм. Сүзләр – җаннан гайре тәндә Чыңлый төсле эчтә. Һәр сүз – аерым халәт гүя. Тәнем белән тоям. Моңа кадәр йоклый идем. Әле менә уяу. Моңа кадәр йоклый идем, Авыр төшләр күреп. Бу төшләрдә үземне чак Югалтмадым кебек. Уяналмый газапландым. Син уяттың ярый. Шыгрым болыт сырган күктә аяз. Кояш карый. Нечкә күңелем үтә сизгер. Ул барын да тоя. Авыр сүзләр белән ялгыш Авырттырып куйма́.