Моя мечта в твоих руках

Сеннге тюбегинчинге билмейем насыб. Заман ашыра эдим джангызлыкъ басыб. Бу джарыкъ, къуанч кюнде, сени таныдым, Джылыуун сюймекликни энди сынадым. Джюрегиме сен бердинг учаргъа къанат. Муратымы мен этдим сенге аманат! Узатама къолуму, бирге атлайыкъ. Джазуудан насыб юлюш биз да алайыкъ. Ийнан менге, арюуум, джашау джокъ сенсиз, Къарны акълыгъы кибик иннетим кирсиз. Кемсиз сюйгениме уа, джыр болсун шагъат, Сагъышла сенге элте, тангларым атад. Джюрегиме сен бердинг учаргъа къанат. Муратымы мен этдим сенге аманат! Узатама къолуму, бирге атлайыкъ. Джазуудан насыб юлюш биз да алайыкъ. Ант этеме, багъалым, джукъ бла джарсытмам, Ёмюрде ауур сёз бла сени къыйнамам. Джаныма дарманчады сени къарамынг, Джюрек эритирчады джылы ауазынг. Джюрегиме сен бердинг учаргъа къанат. Муратымы мен этдим сенге аманат! Узатама къолуму, бирге атлайыкъ. Джазуудан насыб юлюш биз да алайыкъ.